TEMI.mk

Zoran Zaev

Македонската дипломатија денеска добива круна!

Назначувањето на Радмила Шекеринска за заменик генерален секретар на НАТО е признание за нејзините професионалност, посветеност и визија за демократски и безбедни општества, но е признание и за сите наши домашни и меѓународни напори да обезбедиме мир, стабилност и интеграција со современиот демократски свет.

Ова е доказ дека Северна Македонија е исклучително важна членка на НАТО.
Честитки Радмила!

Zoran Zaev

Со дебатата на тема „Иднината на Европа“ синоќа ја завршивме дводневната Меѓународна конференција за мир и одржлив развој, што по повод 6 годишнината од Договорот од Преспа, ја организираа Институтот Алексис Ципрас и Фондацијата Заев.

На оваа завршна сесија во атинскиот конзерваториум, каде што се одржува конференцијата, присуствуваше и претседателката на Грција Катерина Сакеларопулу, која ги проследи настапите на поранешниот претседател на Франција, Франсоа Оланд, претседателот на Партијата на европските социјалисти и поранешниот премиер на Шведска Стефан Лефвен, заменичката претседателка на Владата на Шпанија Јоланда Диаз.

Пораките на сите учесници на конференција наидоа и ќе бидат препознаени како важни насоки и препораки во ова време на големи предизвици за прогресивните општества и поединци. За време на овие два дена на конференцијата видовме плејада слободоумни и личности со визија кои ги испратија своите пораки и размислувања затоа што не сакаат да останат неми посматрачи на загрижувачките процеси околу нас.

Денеска со право се прашуваме за иднината на Европа и оттаму потребата да бидеме и да останеме секогаш будни во заштитата на мирот, демократијата и развојот на човештвото. Ако се сметаме за застапници на слободата и на демократијата, како дел од темелните вредности на Европа, тогаш како наша одговорност за иднината на Европа мора да бидеме подготвени да го дадеме нашиот придонес во борбата за европските вредности кои во суштината ги имаат мирот, дијалогот, соработката, компромисот, разбирањето за другиот.

Оваа конференција имаше цел и да обединува – да придонесе кон градење мостови и сојузи меѓу различните, меѓу умерените и меѓу демократите. Затоа што, сите ние, демократите, левичарите, социјалдемократите, зелените, центристите, прогресивните – сите ние сме умерени, а не радикални политичари. Ако ги најдеме моделите на обединување, стануваме огромно мнозинство. Ние сме огромно мнозинство во споредба со радикалите. И во таа смисла, особено ги поддржувам идеите и напорите за политичко соработка и коалицирање на Европската народна партија, Партијата на европските социјалисти и Либералите, кои заедно имаат речиси двотретинско мнозинство во Европскиот парламент.

Zoran Zaev

На дебатата за Договорот од Преспа, на која учествувавме јас и Алексис Ципрас, им испратив јасна порака на премиерите на Грција и Северна Македонија, Мицотакис и Мицкоски да ја преземат одговорноста за целосно спроведување и почитување на Преспанскиот договор.

Мицкоски да покаже лидерство и да ги почитува одредбите од Преспа, бидејќи јавно изјавува дека ќе го почитува Договорот. Но, ако тој не го употребува уставното име на нашата земја не само што испраќа лош пример пред граѓаните со кршење на Уставот, туку тој со тоа ќе крши и меѓународен договор и со тоа го доведува во ризик евроинтегративниот процес на Северна Македонија.

Мицотакис во повеќе наврати јавно потврди дека ја поддржува Северна Македонија на нејзиниот пат до членство во ЕУ. За време на неговиот мандат двојно повеќе е зголемена економската соработка меѓу двете земји, а авионите на грчката армија веќе патролираа на нашето небо како дел од соработката како НАТО членки.

Со тоа Грција ги исполнува обврските кои произлегуваат од трите меморандуми како обврска од Преспанскиот договор и токму затоа нема потреба да се одлага нивната ратификација во Парламентот на Грција.

Zoran Zaev

✌🏼🕊️🤝 Им посакавме добредојде на угледните гости и пријатели на мирот кои дојдоа во Атина за да учествуваат на Меѓународната конференција за мир и одржлив развој и да го чествуваат Договорот од Преспа, шест години по неговото потпишување.

Пораките за добредојде на Венко Филипче и Евангелос Калпадакис, во името на Фондацијата Заев – едно општество за сите и на Институтот Алексис Ципрас потсетија дека лидерите не ги одложуваат и не им ги оставаат проблемите на идните генерации, туку наоѓаат решенија и отвораат нови страници.

Договорот од Преспа е жив доказ дека и најтешките спорови можат да се решат кога лидерите го даваат приоритетот на поголемото добро пред сè. Тоа го одбележа историскиот момент кога конфликтот беше трансформиран во соработка со визија за хармонична иднина.

Фондацијата Заев и Институтот Алексис Ципрас се посветени на негувањето на вредностите кои се во основата на Договорот од Преспа со мисија да промовираме мир, да го унапредиме одржливиот раст и да поттикнеме средина каде што се слуша секој глас.

Zoran Zaev

🤝🏻 На некои не им се допадна, а многумина се израдуваа бидејќи беа свесни дека со договорите кои ги склучивме со соседите всушност започнавме нова етапа од негувањето, употребата и промоцијата на македонскиот јазик.

🇲🇰 Имено, историјата веќе сведочи дека Договорот за добрососедство со Бугарија е потпишан и на македонски јазик и од тогашниот бугарски премиер Борисов, а Договорот од Преспа е историски чин на признавање на македонскиот јазик (и на придавката “македонски” во јазична, културна и идентитетска смисла) од страна на официјална Атина.

🌏 Ова ново поглавје од современата македонска идентитетска промоција подоцна ни донесе и службена употреба на македонскиот јазик во НАТО во рамки на нашето членство во овој глобален безбедносен сојуз, а со отворањето на преговарачкиот процес со ЕУ нашиот јазик веќе добива службена употреба и низ европските институции.

Македонски патриотизам значи да си го чуваш и негуваш јазикот бидејќи тој е и нашата татковина, и нашиот идентитет и нашиот најсилен меѓународен промотор.

Нека е честит Денот на македонскиот јазик, 5 Мај.
Честит Велигден.

Zoran Zaev

Со огромно задоволство присуствував на церемонијата по повод завршувањето на изградбата браната на Хидросистемот Конско.

Граѓаните и земјоделците во три општини во југоисточниот дел на земјата, во Гевгелија, Богданци и Дојран, со изградбата на ХС Конско почната во 2018 година, добиваат капитален инфраструктурен проект за снабдување со вода и за полевање на 13.500 хектари земјоделско земјиште.

Изградбата на овој хидросистем претставува крупен инфраструктурен зафат и ивнестиција со мултифункционална улога и втор по големина после изградбата на хидросистемот и ХЕЦ Козјак во скопскиот регион изграден во 2004 година.

Со инвестициите во капитални инфраструктирни проекти, владите предводени од СДСМ, и тогаш и денеска, ја потврдуваат посветеноста кон зафати од исклучителен интерес за граѓаните како што се хидросистемите кои обезбездуваат чиста вода за пиење, мрежа за наводнување на земјоделски површини за равој на европско конкурентно земјоделство, зголемување на производите за храна и за регионален економски развој.

Освен за наводнување, акумулацијата Конско ќе се користи и за производство на електрична енергија, а дополнително ова вештачко езеро ќе претставува нова содржина во локалната туристичка понуда на трите општини како место за туристички посети, риболов, рекреација и спорт.

Zoran Zaev

Случајно или не, стара и докажана екипа повторно заедно. Едно видување, еден век !

Zoran Zaev

Пред младите стои мисијата да бидат активен дел од нашето општество и да ја поттикнуваат младината да биде погласна за своите права, поборбена за своите идеи со цел да си го заземе заслуженото место на основен столб во нашата држава.

Исто така е суштински важно, соработката на младинските организации да се прелее во соработка со институциите на системот. Да соработуваат без оптеретувања со национализам и дискриминација. Младите да бидат активни и гласни, и да пробаат да најдат простор за нивните иницијативи зошто колку се поактивни толку се повидливи, и со тоа секогаш го водат општеството напред.

Токму таква е и оваа Успешна приказна на младиот Агрон Демири кој преку младински активист, денес е во улога на правник верувајќи дека во младината е и силата да се изнесат вистинските вредности и правда на виделина...

Zoran Zaev

Календарите се менуваат, годините и празниците доаѓаат и си заминуваат, ама човечноста во човека треба да остане постојана. Во тој дух нашата Фондација ја завршува 2023 и во истиот тој дух ќе ја започне и наредната 2024 година.

Со добра мисла за сите добри луѓе, среќни новогодишни и божиќни празници.
https://t.ly/oQPjd

Zoran Zaev

Црвениот крст на Северна Македонија останува синоним и инспирација за хуманитарна активност за спречување и олеснување на страдањето на луѓето.

Една успешна приказна од Црвениот крст ќе прикажеме и преку примерот и посветеноста на Александра Ристовски, координатор на националната програма, Промоција на хумани вредности.

Акциите и посветеноста на волонтерите се од исклучително значење за одржување и унапредување на човековото достоинство, за мирот и спокојството во нашата држава.